"尋找他媽的故事"

(覺得自己真係好懶, 寫影評寫得好慢...)

其實知道呢套戲時, 係已經小小想睇啦, 但因為驚悶無睇到... 之後百老滙寄左D傳單話會再上, 仲話其實呢套戲好笑, 所以有信心(於家中)一睇

所以呢, 我都真係要快D克服 "怕睇新片恐懼症" 才行, 因為咁我睇戲真係好慢呀...

(Just Copy From...bc cinema)

美國 USA / 2005 / 103 min /

英語對白，中文字幕 In English with Chinese subtitles

導演 Dir : 登勤托加 Duncan Tucker

演員 Cast : 法莉茜蒂克芙曼 Felicity Huffman、基雲沙格斯 Kelvin Zegers

還有一星期，他將告別人妖之身變性做真女人。捱過無窮的血汗淚水，十多年前的風流帳偏在這時候搵上門。身世離奇的爸爸（媽媽？）當然不便相認，一起上路的性別錯摸啜核尷尬叫全世界笑爆嘴之餘，卻又讓我們了解變性人所面對的社會壓力何其巨大。由女人演繹渴望變性的男人著實艱難，《靚太唔易做》女星法莉茜蒂克芙曼憑她那「由內到外再到內」的演技封后金球獎乃實至名歸。

睇呢套戲時, 的確感覺良好, 很很踏實的戲本, 不花巧, 很有方向, 明確, 公路電影的結構, 一步一步道出主角與角色之間的關係: 兒子、父母、妹妹、旅途上遇到的人、自己等一干人, 與變性媽媽(?)的關係和互動, 都可令觀眾投入角色, 睇得過癮~ 搞笑之餘, 也看得人心痒痒的, 是為著變性媽媽心痒痒哦! 看著電影, 為著主角動容, 這是我認為看電影最有趣的地方, 可以看到一套可以令我這樣的電影, 我也很高興呀...

從來都不覺得看不明的電影是高深, 我只會認為這是電影未夠班而已, 電影是要和觀眾溝通, 溝通不到的, 算吧! 就當我不明白吧!

『你明唔明(我講乜)呀?』←很討厭